vaima

Matarii i raro

Ua hope mau o te tau e
O te tau o Matarii ni'a e
E ono marama i ma'iri à
Ua hope o te tau fana'ôraa e
I te mau maita'i to'a ra e
Ta te fenua faatupu e
Ta te moana i horo'a mai e

Matarii i ni'a ua hemo e
Ua oti te tau 'auhuneraa
Te tau o te haaporiraa e
Re'are'a ai e, o te oraraa e
Fatata noa ai i te tupuna e
Fatata noa ai ratou e
I te mau atua ma'ohi e

A nana i to tatou mata
I ni'a i te iriatai e
A hi'o ia Matarii e, mo'e atu e
I te muriavai o te tau e
To'u ti'ai noa raa ia na
E ho'i mai â o Matarii e
I te 'ohuraa o te tau e
E ho'i e, e ho'i mai â
O Matarii ni'a ra e.

'E rohi tâmau â e te nunaa ma'ohi
'Eiaha haaparuparu e
A putu i te mau mea ato'a nei
Râtere atu ai i te tau 'apî e
Matarii raro te 'uputa
Matarii raro manava ia 'oe e
Ua ta'oto o Matarii i ni'a e
Manava i to haere â mai e

Rohipehe: Bruno LEON
Himene: Serge TUARAU
Himene ru'au
Tamarii Fanatea Heiva 2008

Avec l'autorisation de l'auteur